Sa tuig 1930 namugna ang Brgy.Gatungan ang unang lumulopyo niining lugara mao ang mga lumad nga atong nailhan nga mao ang mga ’Ata.’ Ug mao kining lugara ang ilang paraiso. Ug kanhi adunahan kayo kining lugara sa mga lagutmon samasa mga gulay ug mga prutas. Ug ingon man usab adunahan kini sa mga kahoy hinungdan nga gibunyagan kini sa pangalang ‘Gatungan’ ug halos tanang tao mo dayo sa paganhi niining lugara aron manguha ug kahoy nga maoy gamiton sa pag panugnod. Ang ‘Gatungan’ nagagikan sa pulong na ‘Gatung’ nga pulong inatanga buot pasabot sugnod. Busa ang mga tao nga modayo niining dapita kung pangutan-on kong asa sila paingon motubag sila ug ‘Adto Kami Sa Gatungan’.

​

Wala pay geyira mao gihapon natuig gipamutol ang mga kahoy dinhing dapita aron tukuran ug plantasyon ginganlan kini ug ‘Tagaki Plantasyon’ gitawag ug Sakada ’tuig 1941 adunay ikaduhang geyira na nahitabo sa kalibutan ug ang ‘World War 2’ ug sa tuig 1945 nahitabo ang ‘Peace Time’ kon kalinaw.

​

Ug adunay unang lumulupyo nganing puyo niining lugara mao si ‘Estropia Apostol’ usa kini siya ka Mandaya ug nakapanag-iya kini siya ug yuta dinhing dapita sa ‘Gatungan’ aduna kini siya’y 18 kaektarya nga luna ug ang 700 square meters niana iya kining ihatag aron tukuran ug eskuylahan ug aduna lamang duha ka kuwarto nga ma-o lamang ang Grade-1 ug Grade-2 ug ang unang mag tutudlo mao si Felomina Bade, kilid niining eskuylahan gitukod usab ang usa kakapilya (chapel) na ang pangalan sa patron mao ang ’Berhin Sa Fatima’. Ug ang nahimong leader atong panahona gitawag ug ‘Tenyente del Baryo’ nga si Jesus Navales ’3 kakagawad ug wala pay honorarium atong panahona ug natukuran nausab ug laing mga classroom.

​

Kining lugara gimarkahan ug Red Area o delikado nga lugar kay gipamugaran ug mga ‘New People’s Army’. Pagka 1984 adunay nahitabong geyira sa bukiran aning lugara halos ang tanan tao na makwit sa nag ka lain-laing lugar.

​Ug ang kapitan atong higayona mao si Celestino Marturillas gipangunahan kini niya ug Alsa Masa batok sa mga ‘New People’s Army’. Aron mag malinawon kining lugara ug hangtod nga aduna na’y mga kalsada nga napa concrete.

Tuig 1982-1988 Brgy. Election ang nahimong kapitan si Celestino Marturillas ug ang iyang mga kagawad napatukod nila ang Day Care Center nga na-a nahimutang sulod sa Gatungan Elementary School nga ang nag tudlo ma-o si Alicia F. Pantinople ug adunay 40 ka mga bata.

​

Sigon sa istorya sa eskwelahan, naestablish ang eskwelahan kaniadtong 1947. Nagsugod lang sila ug mga makeshift nga classroom nga adunay 25 lamang ka mga estudyante. Padayon lamang sa paglambo ang eskwelahan hangtud nga niabot ang insurgency kaniadtong 1984 nga nagbutang sa tibook komunidad sa us aka “NO MAN’S ISLAND” tungod sa pagbakwit sa mga lumulupyo para sa ilang seguridad.

​

Ang maong tulonghaan gidonate ngadto sa Department of Education Culture and Sports (DECS) para sa edukasyon sa mga kabataan aning lugara. Ang lote naay 6, 623 sqm nga gidonate ni Eustropia Apostol kaniadtong 1953. Sa paglabay sa panahon gikan sa multigrade nahimo na kining complete monograde elementary school.

​

Tuig 2018 eleksyon na ug ang nahimong kapitan mao si Anabelle M. Mangitngit kauban ang iyang pito kakagawad nagbuhat sila ug Barangay Resolution atong May 22, 2019 nga nagpropose nga mag-abri ug High School ang atong tulonghaan nga kanhi Gatungan Elementary School. Nahimo kini nila nga desisyon tungod sa kalayo sa mga kalakbit nga mga tunghaan sa High School ug maglisud ang mga bata labaw na ang mga ginikanan sa paghatag ug budget sa pang-adlaw2x nga pamasahe sa mga anak nila. Tungod ani nga desisyon sa Council, gisugdan sa Principal sa Gatungan Elementary School nga si Ma’am Heide Adolfo ug pagpangalap sa mga posibleng mamamhimong estudyante sa pagatukoron nga high school, nagbuhat sila ug mga Recorida kauban ang mga magtutudlo para mas madungagan pa ang mga moenroll.

​

June 3, 2019, bisan sa kalisud sa sitwasyon sa unang adlaw sa eskwela nga naa nay high school ang Gatungan Elementary School gipadayon gihapon kini sa mga magtutudlo para masugdan ug puhon molambo na ang maong eskwelahan. Mapasalamaton usab ang kanhing Principal sa Gatungan Elementary School nga si Maam Heide Adolfo ngadto sa School Head sa Mahayag National High School kay gipahiram sa maong eskwelahan ang iyang tulo ka mga magtutudlo nga sila Sir Ryan Jay Bagolor, Ma’am Frances Mae S. Cajarte, ug si Ma’am Merasol E. Maneja. Apil pud sa unang magtutudlo si Ma’am Yleshyl C Mejala nga kanhing gisweldohan sa atong Barangay Council ug sa Mahayag NHS canteen fund.

​

Sa pagpadayon sa panahon nahinayhinay ug comply ni Maam Adolfo sa mga documents, hangtud nga gipadayon kini ni Sir Jose R. Bagaslao bisan pa man sa hagit sa panahon sa pandemya kauban niya ang tabang nga gihatag ni Sir Nick B. Jamisola sa Mahayag National High School ug sa paglihok sa pagbuhat sa mga documents nga si Ma’am Merasol E. Maneja. Ug mas napadali pa kini tungod sa mga tabang sa mga taong nagpaluyo niini, ang Barangay Council sa Gatungan, ang mga maestra, mga ginikanan, ug labaw sa tanan ang atong 2nd District Representative nga si Hon. Vincent J. Garcia.

​

March 10, 2021 napagawas ang Special Order No. R-XI-002, s.2021 nga nagaingon nga ang Gatungan Elementary School is converted to Gatungan Integrated School ug pinirmahan ni Sir Allan G. Farnazo, Regional Director of the Department of Education Region XI.

​

Tulo katuig na ang nilabay gikan sa atong pagka-Integrated, ang atong eskwelahan padayon sa paglambo tungod sa mga tao nga nagpadayong misuporta niini.